اسلام آباد کا برکس سیمینار میں شرکت

اسلام آباد: تاریخ میں پہلی بار پاکستان کو بلاک کے اجلاس سے قبل جوہانسبرگ میں برکس (برازیل-روس-بھارت-چین-جنوبی افریقہ) سیمینار میں شرکت کا دعوت نامہ موصول ہوا۔
بیجنگ کی طرف سے سیمینار میں کی شرکت کا خیر مقدم کیا گیا۔ چین پاکستان کا اتحاد میں شامل کرنے کا خواہاں ہے اور اس سلسلے میں XI JI JI PING کی کوششیں جاری ہیں۔ برکس پانچ ترقی پذیر ممالک کا اتحاد ہے۔ جو عالمی معیشت کا %24 اور عالمی آبادی کا %41 ہے۔
جوہانسبرگ سے ایک بیان میں سینیٹر مشاہد حسین سید نے لکھا: “کل برکس سربراہی اجلاس سے عین قبل جوہانسبرگ میں برکس سیمینار سے خطاب کیا ہے اور برکس ایونٹ میں مدعو کیا جانے والا پہلا پاکستانی ہوں جو کہ ایک بڑھتا ہوا ادارہ ہے جس کی رکنیت کے لیے اب 20 ممالک قطار میں کھڑے ہیں”۔ انہوں نے مزید لکھا: “پاکستان برکس اتحاد میں توسیع کا خیرمقدم کرتا ہے۔ اور اس بات زور دیا ہے کہ برکس کسی بھی نئی سرد جنگ کو مسترد کرے! افریقی ایشیائی یکجہتی کے علاوہ برازیل اور روس کثیرالطرفہ اور علاقائی بنیادوں پر نئے ابھرتے ہوئے عالمی نظام ک میں کلیدی کردار ادا کر سکتے ہیں۔
مزید یہ کہ بھارت کی پاکستان کو بلاک میں شمولیت کی مخالفت ختم ہو رہی ہے – وہ ماضی میں پاکستان کو بلاک سے باہر رکھنے میں کامیاب رہا ہے۔
میڈیا رپورٹس کے مطابق بھارتی وزیراعظم مودی نے پہلی بار برکس کی توسیع کے حوالے سے بات کی ہے اور بھارتی وزارت خارجہ کے بیانات میں توسیع کی حمایت سمیت بھارت کے موقف کا ذکر ہے۔
توسیع کے حوالےسے مودی کے ریمارکس کا جنوبی افریقہ کے صدر نے بھی خیرمقدم کیا اور ان کا کہنا تھا “بھارت کی جانب سے برکس کی توسیع کی حمایت کا سن کر خوشی ہوئی”۔

یہ پیشرفت اس وقت سامنے آئی ہے جب چین کا اصرار ہے کہ برکس اتحاد میں مزید ترقی پذیر ممالک کو شامل کرنے کے لیے اپنی رکنیت کو بڑھانا چاہیے اس دلیل کو استعمال کرتے ہوئے پاکستان کی شمولیت کی حمایت کرنا چاہیے۔
چین کے صدر شی جن پنگ نے برکس کی سربراہی اجلاس سے خطاب کرتے ہوئے کہنا تھا کہ”چند ممالک جو اپنی حکمرانی کو برقرار رکھنے کے جنون میں مبتلا ہیں۔ ابھرتی ہوئی منڈیوں اور ترقی پذیر ممالک کو مفلوج کرنے کے لیے اپنے راستے سے ہٹ گئے ہیں ۔ جو بھی تیزی سے ترقی کر رہا ہے وہ ان کا ہدف بنتا ہے۔ لیکن یہ فضول ہے جیسا کہ میں ایک سے زیادہ بار کہہ چکا ہوں کہ دوسروں کے چراغ بجھانے سے اپنے آپ کو روشنی نہیں ملے گی۔”
جوہانسبرگ سمٹ میں یہ نکتہ بھی اٹھایا گیا کہ پاکستان کے علاوہ ترکی اور سعودی عرب سمیت دیگر ممالکی جانب سے بھی اس بلاک میں شامل ہونے میں اپنی دلچسپی کا اظہار کیا گیا ہے۔
پاکستان نے بھارت کا نام لیے بغیر کہا ہے کہ ایک ملک اسے بلاک سے باہر رکھنے کی کوشش کر رہا ہے۔ پاکستان نے اس عزم کا بھی اظہار کیا کہ وہ عالمی برادری کو درپیش چیلنجز سے نمٹنے کے لیے برکس کے رکن ممالک سمیت تمام ترقی پذیر ممالک کے ساتھ کھڑا ہونے کے لیے تیار ہے۔
اتحاد کی توسیع پر برکس رہنماؤں کے درمیان ہونے والی بحث کے بعد سربراہی اجلاس کی حتمی دستاویز کے مسودے کے مطابق، ارجنٹائن، ایران، سعودی عرب، مصر اور متحدہ عرب امارات برکس کے نئے رکن ہوں گے۔