پاکستان میں پہلی خاتون بھارتی سفارتکار تعینات

اسلام آباد: اسلام آباد میں ہندوستانی ہائی کمیشن گیتیکا سریواستو کو اپنی پہلی خاتون چارج ڈی افیئر کے طور پر خوش آمدید کہنے کے لیے تیار ہے۔
سریواستو کی تقرری اس وقت ہوئی جب برطانیہ نے پاکستان میں اپنی پہلی خاتون ہائی کمشنر کی تعیناتی کی “خواتین ڈپلومیٹک کلب” میں ایک اور اضافہ”۔
موجودہ سی ڈی اے ڈاکٹر سریش کمار کی مدت ختم ہونے کے فوراً بعد سریواستو ذمہ داریاں سنبھالیں گی۔
2019 میں دونوں پڑوسیوں کے درمیان دوطرفہ تعلقات کو متاثر ہونے کے بعد اسلام آباد یا نئی دہلی میں کوئی کل وقتی ہائی کمشنر نہیں رہا بلکہ اب جونیئر سفارت کاروں کو چارج ڈی افیئرز کے طور پر تعینات کیا گیا ہے۔
اسلام آباد میں خدمات انجام دینے والے آخری ہندوستانی ہائی کمشنر اجے بساریہ تھے۔ انہیں 2019 میں اس وقت نکال دیا گیا جب پاکستان نے نئی دہلی کے یکطرفہ اور غیر قانونی طور پر مقبوضہ جموں و کشمیر (IIOJK) کی خصوصی حیثیت کو منسوخ کرنے کے اقدام پر سفارتی تعلقات کو کم کرنے کا فیصلہ کیا۔
اسلام آباد میں خدمات انجام دینے والے ہندوستانی ہائی کمشنرز میں سے بہت سے سیکرٹری خارجہ کے طور پر ترقی پانے کے بعد وطن واپس لوٹے۔
سریواستو کا تعلق انڈین فارن سروس کے 2005 بیچ سے ہے۔ وہ اس سے قبل چین میں خدمات انجام دے رہی تھیں۔ وہ چینی زبان روانی سےبولتی ہیں
ان کا تعلق اتر پردیش سے ہے۔ وہ کولکتہ میں ریجنل پاسپورٹ آفیسر اور وزارت خارجہ کے آئی او آر ڈویژن میں ڈائریکٹر کے طور پر بھی خدمات انجام دے چکی ہے۔
نئی ت سی ڈی اے اس وقت وزارت خارجہ، نئی دہلی میں انڈو پیسیفک ڈویژن کے انچارج جوائنٹ سکریٹری ہیں۔
وزارت خارجہ کا ہند-بحرالکاہل ڈویژن ASEAN، IORA، FIPIC، اور ہند-بحرالکاہل خطے میں دیگر اداروں کے ساتھ ہندوستان کی کثیرالجہتی سفارتکاری کے معاملات دیکھا کرتی ہیں ۔ سفارتی ذرائع نے تصدیق کی ہے کہ سعد وڑائچ جو اس وقت وزارت خارجہ میں افغانستان، ترکی اور ایران کے ڈائریکٹر جنرل ہیں۔ ج انہیں ہندوستان میں پاکستان CdA کے طور پر نامزد کیا گیا ہے۔ اور انہوں نے حال ہی میں اپنے ہندوستانی ویزا کے لیے درخواست دی ہے۔ سعد وڑائچ کی تعیناتی پر تبصرہ کرتے ہوئے ترجمان دفتر خارجہ نے کہا کہ وہ مقررہ وقت پر اسائنمنٹ سنبھال لیں گے۔