مانی سے شادی نہ کرتیں تو شاید پانچ یا چھ شادیاں کر چکی ہوتیں: اداکارہ حرا مانی

اسلام آباد: پاکستانی اداکارہ حرا مانی نے انکشاف کیا ہے کہ اگر وہ مانی سے شادی نہ کرتیں تو شاید پانچ یا چھ شادیاں کر چکی ہوتیں۔
حال ہی میں ایک نجی ٹی وی پر نظر آنے والی حرا مانی سے پوچھا گیا کہ اگر وہ مانی سے شادی نہ کرتیں تو کیا ہوتا؟ سوال کے جواب میں حرا مانی نے کہا کہ اگر میں مانی سے شادی نہ کرتی تو پانچ یا چھ شادیاں کر لیتی۔
اداکارہ نے وضاحت کی کہ وہ ایک بہت ہی چنچل لڑکی تھی۔ حرا مانی کا کہنا تھا کہ مانی سے شادی کے بعد ان کی زندگی نے ایک موڑ لیا اور وہ اسٹار بن گئیں۔ تاہم اگر اس نے مانی سے شادی نہ کی ہوتی تو شاید اس کی کئی شادیاں ہوتیں۔
اپنے کیرئیر کے بارے میں گفتگو کرتے ہوئے حرا مانی نے حقیقی زندگی میں اپنے انسپائریشن کے بارے میں بتایا جو کہ ان کی والدہ ہیں۔ انہوں نے کہا کہ ان کی والدہ اپنی ذات میں ایک ہیروئن تھیں۔ شروع شروع میں حرا اپنی ماں کے گانے سنتی تھی۔
غور طلب ہے کہ حرا مانی نے اس سے قبل چار سال قبل دیے گئے ایک انٹرویو میں بتایا تھا کہ ان کے ایک دوست اور مانی آپس میں دوست تھے۔ اور کچھ عرصے بعد ہی انہوں نے چپکے سے اپنے دوست کے موبائل سے مانی کا نمبر لیا اور اس سے بات کرنا شروع کر دی۔